David Camaj takim me agjensinë gjermane “Spocs Sports Consultants”

I njohur nga të gjithë, David Camaj drejtues i “Klubit të futbollit Malësia” në Tuz, po vazhdon rrugën drejt suksesit në nxjerrjen e talentave në futboll.

Prej vitesh punon në zonen e Tuzit me vogëlushë të moshave të ndryshme, duke i mësuar atyre hapat e parë në lojën magjike të futbollit.

Nga “Klubi i Futbollit Malësia” kanë spikatur futbollistët Driton Camaj (Kisvarda, Hungari), Stefan Miliq (Dinamo Zagrebit, Kroaci), Nikolla Ivezaj ( Lommel, Belgjike) etj.

Agjensia e mirënjohur gjermane “ Spocs Sports Consultants “ ka spikatur një talent nga “Klubi i futbollit Malësia”, të cilin e ka vëzhguar disa herë, emri i të cilit për momentin nuk bëhet publik. Duke u dakordësuar lojtari dhe klubi me agjensinë gjermane, atij lojtari do ti jepet mundësia që të luaj në nivele të larta europiane.

Bashkëpunimi do të zgjërohet edhe me lojtarë nga Shqiperia, Kosova, Maqedonia , Lugina e Preshevës e më gjërë.

“Klubi i Futbollit Malesia” me drejtues z.David Camaj është pjesëmarrës i rregullt në turnetë që Shkodra Sport Event organizon, duke arritur rezultate të larta dhe duke shfaqur sjellje shembullore.