David Camaj trajner në kampin e Dinamos së Zagrebit

Një lajm fantastik na vjen nga Mali i Zi, ku z.David Camaj bashkëpunëtor shumë i afërt i Shkodra Sport Event , njëkohësisht trajner i ”Klubit të Futbollit Malësia” në Tuz është përzgjedhur si trajner në kampin e Dinamos së Zagrebit.

Ky rezultat vjen si rrjedhojë e punës mjaft të mirë me ”Klubin e Futbollit Malësia në Tuz”, duke rritur masivizimin e sportit të futbollit në këtë komunë dhe zhvillimin në nivele të larta të brezit të ri futbollistik. Rezultatet e ”Klubit të Futbollit Malësia” janë mjaft të larta në garat e Malit të Zi, por edhe në turnetë e ndryshëm ndërkombetar ku ato marrin pjesë.

Duhet theksuar që z.Camaj vjen pas disa eksperiencave ndërkombëtare në organizimin e eventeve dhe kampeve të ndryshme sportive, ku kampi më i fundit ishte ai i organizuar nga gjiganti botëror i futbollit F.C. Barcelona.

Kampi do të zhvillohet në Tivat të Malit te Zi, më datë 22-26 Qershor 2022 me pjesëmarrje të lojtarëve nga i gjithë Ballkani. Ky kamp i GNK Dinamo Zagreb është më i madhi në rajon , duke i krijuar mundësinë lojtarëve që të jenë pjesë e shkollës së futbollit GNK Dinamo Zagreb. Rregjistrimet për këtë kamp për lojtarët që kanë dëshirë të marrin pjesë zgjasin edhe pak ditë, ku numri i tyre është i limituar.

Trajneri i futbollit z.David Camaj vazhdon të korr suksese në karrieren e tij sportive, duke u bërë trajner i shkollës sportive më të mirë në rajon. Ekipi që drejton z.David Camaj është pjesëmarrës i përvitshëm në çdo turne që organizon Shkodra Sport Event, duke arritur rezultate mjaft të larta dhe duke shfaqur një lojë shumë të mirë.

Ne i urojmë suksese të mëtejshme mikut tonë që çdo ditë ne na ben krenar për arritjet e tij!