Eventi i parë i organizuar nga Shkodra Sport Event, në bashkëpunim me Federatën Shqiptare të Futbollit, për fëmijë të moshes 13 vjeçare nga Shkodra, Durrësi, Korça, Lushnja.

Event i organizuar në Vau Dejes, nga Shkodra Sport Event, Shoqata Juban Danja dhe Federata Shqiptare e Futbollit. Pjesëmarrës ishin fëmijë të moshës 13 dhe 15 vjeç, nga Shkodra, Puka, Vau Dejës dhe Lezha.

Eventi i parë i organizuar me mosha të rritura. Tashmë krahas moshave të vogla, organizojmë evente edhe për moshat e rritura. Pjesëmarrës ishin 14 ekipe nga Shkodra, Vau Dejës dhe Puka.

Event i organizuar në kuadër të festave të nëntorit, për moshën 9 dhe 11 vjeçare, nga Shkodra Sport Event , Federata Shqiptare e Futbollit dhe Bashkia Shkodër

Ky event është i organizuar nga Shkodra Sport Event, Unioni i Shahistëve të Veriut dhe Bashkia Shkodër, në kuadër të 85 vjetorit të themelimit të Federatës Shqiptare të Shahut. Ky aktivitet u zhvillua me sistemin rapid dhe blic.

Aktivitet i zhvilluar në kujtim të 5 vjetorit të ndarjes nga jeta të z.Zamir Shpuza nga Akademia e Futbollit Shpuza, Shkodra Sport Event dhe Federata Shqiptare e Futbollit. Zamir Shpuza ka qenë pjesë e ekipeve të Vllaznisë, Partizanit, Buducnost, Fv Speyer, Waldhof Mannheim, Viktoria Griesheim si dhe lojtar i ekipit kombetar. Pas ndarjes nga jeta ka qenë trajner dhe menaxher futbolli.

Ky aktivitet u zhvillua në kujtim të 10 vjetorit të ndarjes nga jeta të z.Menduh Dedja organizuar nga Shkodra Sport Event, Federata Shqiptare e Futbollit dhe Shoqata sportive ‘’Shkodra 2006. Z.Dedja njihet gjerësisht si fitues i disa trofeve të ndryshëm me Vllaznisë dhe si trajner mjaft i suksesshëm. Aktiviteti u zhvillua për moshën U-17 me pjesëmarrës nga Shqipëria dhe Kosova.

Kjo kupë u zhvillua në nder të dy legjendave të Vllaznisë, z.Selami Dani dhe z.Paulin Ndoja. Në këtë kupë morën pjesë 41 ekipe nga Shkodra dhe Lezha, nga mosha 9 deri ne moshen 17 vjeçare. Ky aktivitet u zhvillua nga Federata Shqiptare e Futbollit në bashkëpunim me Shkodra Sport Event.

Ky event u organizua nga Ndoc Ndoci dhe Shkodra Sport Event, në bashkëpunim me Federaten Shqiptare të Futbollit. Pjesëmarrës ishin 13 ekipe dhe 87 futbollistë.

Aktiviteti u zhvillua në nder të veteranit 90 vjeçar të futbollit z. Esat Bushati, i cili ka qenë pjesë e ekipit të Vllaznisë, Partizanit dhe ekipit kombëtar në vitet 1950-1960. Aktiviteti u zhvillua nga Shkodra Sport Event.

Eventi është organizuar në disiplinën e futbollit për djem dhe volejboll për vajza. Ky event u organizua nga Shkodra Sport Event, Nisma Vullnetare Studentore, Universiteti i Shkodrës ‘‘Luigj Gurakuqi’’, dhe Federata Shqiptare e Futbollit dhe Federata Shqiptare e Volejbollit.

Kjo kupë është organizuar nga Shkodra Sport Event në nder të Bardhok Gjokës, ish futbollistit dhe trajnerit të ekipit te Laç Vau Dejës

Edicioni i dytë i Shkodra Summer Cup solli risi në Shqipëri, ku për herë të parë u organizua një festival sportiv me 8 disiplina si futboll, basketboll, volejboll, atletike, shah, tenis, ping-pong, bilardo. Ky event u organizua nga Shkodra Sport Event në bashkëpunim me federatat përkatëse.

Shkodra Sport Event organizon kupen ‘’Rauf Çanga’’ në nder të ish lojtarit të Vllaznisë. Z.Çanga është pjesë e brezit të artë të Vllaznisë, duke fituar kampionatin dhe kupën e Shqipërisë në vitin 1971-1972 me Vllazninë, me bashkëlojtarë si Ramazan Rragami, Sabah Bizi, Medin Zhega, etj.

Shkodra Sport Event në bashkëpunim me Federaten Shqiptare të Futbollit zhvilluan edicionin e dytë të kupës “Autochthonous’’,  për kategoritë U-9 dhe U-11 me pjesëmarrjen e ekipeve nga Shkodra, Tirana dhe Mirdita.

Me nismën e z.Ndoc Ndoci dhe z.Agron Pjetri dhe me mbështetjen e Shkodra Sport Event dhe Shoqates Sportive ‘’Juban Danja’’ është organizuar ‘’Kupa Verore’’, me ekipe nga Shkodra dhe Vau Dejës.

Edicioni i tretë i Shkodra Summer Cup 2020, i organizuar nga Shkodra Sport Event. Në këtë edicion morën pjesë ekipe nga qyteti i Shkodrës dhe Lezhës, për kategoritë U-9, U-11, U-13, U-15, U-19 dhe femra.

Shkodra Sport Event zhvilloi edicionin e tretë të kupës “Autochthonous”  për kategoritë U-9 dhe U-11 me pjesëmarrje të ekipeve nga Shkodra, Tirana, etj.

Edicioni i katërt i kësaj kupe solli në Shkodër ekipe nga Shqipëria dhe Mali i Zi.

Shkodra Sport Event në bashkëpunim me Federatën Shqiptare të Futbollit zhvilloi edicionin e katërt të kupës “Autochthonous” për kategoritë U-9, U-11, U-13 me pjesëmarrjen e 28 ekipeve me mbi 500 pjesëmarrës nga Shkodra, Tirana, Mali i Zi, Kosova dhe Lugina e Preshevës.