Shkodra Sport Event ka arritur marrëveshjen me agjensinë ndërkombëtare të vëzhgimit të lojtarëve ‘’IPSO’’

Prej 5 vitesh Shkodra Sport Event ofron risi për organizimin e eventeve sportive në Shqipëri. Risia më e fundit është bashkëpunimi me agjensinë ndërkombëtare të vëzhgimit të lojtarëve      ‘’ The International Professional Scouting Organisation’’ me qëllim zbulimin e talenteve të gjeneratave të reja që marrin pjesë në eventet e organizuara nga Shkodra Sport Event. Kjo shoqatë ndërkombëtare e vezhgimit qëndrën e saj e ka në Londër, në Britaninë e Madhe dhe është në treg që nga viti 2015.

Ky bashkëpunim u bë i mundur falë mikut dhe bashkëpunëtorit tonë më të ngushtë z.Shkumbin Sopjani, i cili gjithmonë kujdeset për të ofruar në shqiptari modele bashkëkohore europiane.

Z.Sopjani prej disa vitesh ka themeluar dhe drejton ‘’Shkollën e Futbollit Pro Prishtina’’ që tashmë është një faktor shumë i rëndësishëm në futbollin e Kosovës, duke arritur rezultate shumë të rëndesishme brënda dhe jashtë kufinjve të Kosovës.

Mes shumë trajnerëve të Kosovës është përzgjedhur z.Shkumbin Sopjani për të realizuar kursin si SCOUT, duke arritur të certifikohet ndërkombëtarisht si scout deri në nivelin U-21.

Në eventet që Shkodra Sport Event do të zhvillojë do të jenë prezent Scout ndërkombëtar për të vëzhguar dhe perzgjedhur talentet më të mirë që marrin pjesë në këto evente , falë bashkëpunimit me ‘’ The International Professional Scouting Organisation’’.

Dëshirojmë që të kemi bashkëpunime të frytshme me organizata serioze për të krijuar më shumë mundësi reale për fëmijët që marrin pjesë në eventet tona!