Talenti shqiptar Naron Elezi shkëlqen në turneun ‘‘Pasquale Gallo’’ në Itali

Falë bashkëpunimit mes Shkodra Sport Event dhe menaxherit të mirënjohur italian z.Andrea D’amico, është mundësuar pjesëmarrja në turneun ndërkombetar në nder të Pasquale Gallo. Ky turne u zhvillua në qytetin Lamezia në Italisë, më date 21-24 prill 2022.

Në këtë turne merrnin pjesë disa lojtarë shqiptarë , ku ndër to spikaste lojtari Naron Elezi , i cili është përzgjedhur nga menaxheri italian z. Andrea D’amico në turneun ndërkombëtar të zhvilluar nga Shkodra Sport Event , ‘’Autochthonous 2021’’ , në nder të festës së pavarësisë së Shqipërisë.

Në këtë turne madhështor në Itali Naroni ka luajtur 6 ndeshje duke qënë titular i padiskutushëm në ekipin e tij , ku arrin të shënojë edhe dy gola. Edhe pse më i vogli në ekip me moshë dhe rrjedhimisht me gjatësi, Naroni luan si i barabartë me to dhe jep më të mirën e tij sportive.

Krahas vlerave sportive fantastike që Naroni ka, ai arrin të përshtatet shumë shpejt me lojtarët e huaj në këte turne, duke arritur të fitojë simpatinë e të gjithëve.

Në turnetë që Shkodra Sport Event organizon Naroni , apo Noni siç e thërrasim ne në përkedhëli ka arritur të spikasë me talentin e tij, duke marre vlerësime dhe çmime të ndryshme nga specialistat e futbollit.

Bashkëpunimi frytëdhënës mes Shkodra Sport Event dhe menaxherit vizionar z.Andrea D’amico do të vazhdojë për të zbuluar dhe promovuar të tjerë talenta si Naroni nga eventet që ne organizojmë.

Ne urojmë më të mirën për Naronin në karrierën e tij sportive dhe për z. D’amico urojmë që të vazhdojë me po këtë pasion për zhvillimin e fëmijëve shqiptar!