Kaçurrelsi magjik Brendon Krepi

Magjia e tij me topin dhe kaçurrelat e tij kanë bërë që djaloshi shkodran të fitojë këtë epitet. Brendon Krepi ka lindur në Shkoder, më 11.05.2009, në një familje që e dashuron sportin. Babai i tij Kreshnik Krepi është një figure sportive shumë e njohur në Shqipëri dhe më gjërë. Pozicioni që luan Brendoni është mesfushor qëndre që i jep hapësire për shprehur kreativitetin e tij duke asistuar për shokët e ekipit dhe shpeshherë duke shënuar gola të bukur dhe duke u bërë i dashur për të gjithë në Shkodër. Specialitet i Brendonit janë gjuajtjet e goditjeve të denimit dhe të penalltive ku realizon mjaft gola fantastik.

Futbollin e fillon në moshën 4 vjeçare, në vitin 2013, në ekipin Shkodra 2006. Debuton në Durrës, në ndeshjen miqësore Durrësi – Shkodra 2006. Golin e parë zyrtar e ka shënuar më dt 24.01.2014, në ndeshjen Shkodra 2006-Shpresa. Në ekipin e Shkodra 2006 qëndron deri në vitin 2019, pasi në sezonin 2019-2020 Shkodra 2006, binjakëzohet me Klubin e Futbollit Djelmnia Shkodrane 2017. Themeluesi i Shkodra 2006 Kreshnik Krepi arrin marrëveshjen me Klubin e Futbollit Djelmnia Shkodrane 2017 me president z.Benardin Kulla, ku mban pozicionin e drejtorit sportiv të Klubit të Futbollit Djelmnia Shkodrane 2017.

Aktualisht Brendon Krepi është pjesë e Klubit të Futbollit Djelmnia Shkodrane 2017. Në Korrik të vitit 2019, Brendoni ftohet nga scout të Barcelones dhe Romes në kampin e Barcelones në Romë. Pas paraqitjes së mirë i ofrohet të jetoj në Romë dhe të vazhdoj karrieren e tij sportive atje. Nuk konkretizohet marrëveshja për shkak të angazhimit të familjes së tij dhe për shkak të nevojës së tij per formim më te plote. Për Brendonin ka mjaft interes dhe kontakte nga klube europiane.

Brendoni është pjesë e përhershme e kombëtareve U-12, U-13 dhe U-14, duke bërë gjithmonë paraqitje shumë të mira.

Gjatë karrierës së tij, Brendoni ka arritur me meritë disa çmime dhe shumë kupa të ndryshme:

Çmimet

-Lojtari më i mirë i liges amatore  , sezoni 2015-2016 , Shkodra 2006 , Kategoria  U-9

-Lojtari më i mirë i liges amatore  , sezoni 2016-2017,  Shkodra 2006 , Kategoria U-9

-Lojtari më i mirë i liges amatore , sezoni  2017-2018 , Shkodra 2006 , Kategoria  U-11

-Lojtari më i mirë i liges amatore , sezoni 2018-2019 , Shkodra 2006 , Kategoria U-11

-Lojtari më i mirë i kupes Autochthonous , sezoni  2018-2019 , Shkodra 2006 , Kategoria U-11

-Lojtari më i mirë i kupes Shkodra Summer Cup , sezoni 2020-2021 , Djelmnia Shkodrane 2017 , Kategoria U-13

Babai i tij Kreshnik Krepi luan futboll deri te u-19 me Vllazninë. Në vitin 2000-2004, vazhdon studimet në akademinë e edukimit fizik dhe sporteve në Tiranë. Gjatë këtyre 4 viteve, vazhdon karrieren sportive me Dinamon në kategorinë Superiore, Laçin në kategorinë e parë, Besëlidhjen në Superiore dhe Erzenin në kategorinë e parë. Mbaron studimet dhe rikthehet në Shkoder, ftohet te ekipi i pare i Vllaznisë. Si pasojë e dëmtimeve dhe mundësive për vazhdimin e karrieres në nivele të larta, futet në fushen e trajnimit ku arrin dhe përvetëson të gjitha diplomat e disiplines përkatëse. Zotëron nivelin më të lartë të trajningut Uefa Pro.

Në vitin 2005-2006 punon në ekipet e akademisë Vllaznia. Në vitin 2006 formon akademinë e tij Shkodra 2006 dhe për një periudhe 1 vjeçare formon të gjitha grumposhat e lejuara. Vazhdon bashkëpunimin me Klubin e Futbollit Ada ku emërohet trajner në vitin 2008 ,në kategorinë e parë, me president z.Alfred Pjetri . Më pas emërohet drejtor sportiv te Klubi i Futbollit Ada Femra me president z.Lazër Matia , ku fiton 2 kampionate dhe 2 kupa Shqipërie. Vazhdon karrieren te Juban Danja Femra , ku fiton 2 kupa Shqipërie. Më pas drejton edhe ekipet Veleçikut, Besëlidhjes , ekipe që kanë milituar në kategorinë e parë. Në sezonin 2016-2017 i besohet posti i drejtorit sportiv te Kamza që ishte në kategorinë  e parë dhe e nxjerr në  superiore. Pas Kamzes shkon të Tërbuni, ku qëndron për 2 sezone. Pas Tërbunit vazhdon punen te akademia Shkodra 2006, të cilën e ka formuar vetë. Nga e gjithë eksperienca e krijuar dhe rezultatet mjaft të mira i besohet drejtimi i kombëtares së femrave U-19. Prej 18 vitesh është mësues i edukimit fizik , ndërsa prej 14 vitesh është as/pedagog në universitetin e Shkodres ‘’Luigj Gurakuqi’’.

Në familjen sportive Krepi spikat edhe motra e Brendonit, Megan Krepi , e cila merret me sport. Pasioni i saj kryesor është volejbolli, ku prej 4 vitesh është pjesë e akademisë së volejbollit Vllaznia. Ashtu siç babai dhe vëllai i saj, Megani ushtron sportin e futbollit në ekipin e femrave të Djelmnisë Shkodrane 2017.

Ne i urojmë kaçurrelsit magjik që të ketë një karrierë të gjatë , të suksesshme dhe të jetë gjithmonë i lumtur me familjen e tij!