Richard Ferizaj , 13 vjeçari me origjinë nga Shkodra i ftuar nga Atletiko Madrid

Richard Ferizaj është 13 vjeçari me origjinë nga Shkodra që jeton në Dublin të Irlandës. Ai është lindur në Dublin , më 13 shkurt 2009, në një familje me prindër nga Shkodra. Që në vogëli luan futboll , duke mos ndjekur rrugën e babait që ka luajtur basketboll me ekipin e Vllaznisë.

Duket që ka bërë zgjedhjen e duhur, pasi shfaq talentin e tij që në momentet e para të stërvitjes në futboll. Vëllai i tij, Justin Ferizaj , një tjetër talent është pjesë e Shamrock Rovers U-19 dhe pjesë e kombëtares së Irlandës për grupmoshën U-19.

Më datë 13-29 qershor, Richard është i ftuar nga gjiganti botëror i futbollit Atletiko Madrid për tu stërvitur me ekipin e kategorisë U-13 dhe për të marrë pjesë në turneun e futbollit MADCUP.

Vëllezërit me origjinë nga Shkodra garantojnë të ardhme të sigurtë, duke u cilesuar ndër talentat më të premtues në Irlandë.