Kevin Dodaj talenti i vlerësuar edhe nga Shkodra Sport Event   

Kevin Dodaj është një futbollist mjaft premtues i ekipit të Vllaznisë për kategorinë U-17. Dodaj ka lindur më datë 03.09.2005 , me prindër me origjinë nga Puka , të cilët e mbështesin gjithmonë në pasionin e tij për futbollin.

Kevini është sulmuesi kryesor i ekipit të tij, duke shënuar 23 gola dhe duke u shpallur golashënuesi më i mirë në kampionatin e kategorisë u-17 në sezonin 2021-2022. Gola i ka shënuar me të dy këmbët, por mjaft gola ka shënuar edhe me kokë.

Ekipi i akademisë së futbollit Vllaznia për kategorinë U-17 është shpallur kampion i kampionatit dhe kupës së Shqipërisë, ku një ndër protagonistët ishte edhe Kevini me golat dhe asistet që ka dhuruar , por edhe me lojën ekipore.

Në ndeshjen finale të kampionatit Vllaznia-Shënkolli 5-0, Dodaj ka arritur të shënojë dy gola, ndërsa tre golat e tjerë u shënuan nga Ersi Zaganjori, duke e shpallur Vllaznine kampione të kampionatit në kategorinë U-17.

Pak ditë më pas u luajt kupa e Shqipërisë mes ekipit të Vllaznisë dhe Durrësi 04, ku Dodaj arriti të shënonte në minutën e 90’ të ndeshjes golin e barazimit, duke arritur të çoj ndeshjen në penallti. Në penalltitë përcaktuese për fitimin e saktë, ai u tregua i saktë duke shënuar penalltinë e parë.

Fillimet e sportit të futbollit Kevin Dodaj i ka në akademinë Atletik Klub Shkodra, me trajnerët Elton Bungaja, Elis Legata dhe Saimir Kaloshi për të kaluar më pas në akademinë Vllaznia.

Për sukseset e tij ai është mirënjohës ndaj familjes së tij, ndaj trajnerëve Edmond Doçi dhe Denis Zmijani dhe natyrisht ndaj shokëve të skuadres.

Synimet e tij janë që në një të ardhme të afërt të luaj me Vllazninë dhe kombëtarët zinxhir e më pas edhe në kombëtarën A.

Në edicionin e parë të turneut të futbollit ‘’Shkodra Summer Cup’’ , më datë 18-19 Qershor 2018, Kevin Dodaj është shpallur lojtari më i mirë në kategorinë U-13.

Shkodra Sport Event dhe menaxherët pjesëmarrës do të vazhdojnë të përzgjedhin me profesionalizëm dhe objektivitet lojtarët më të mirë që marrin pjesë në organizimet sportive që në zhvillojmë.

Ne i urojmë Kevinit të ketë suksese në karrierën e tij sportive!